Advent 1

BIMBINGAN PA SAITUN GBKP TAHUN 2026

TANGGAL, 08-14 Nopember 2026

Ogen : Matius 24:36-44

Indonesia:

“[36] Maka sampailah Yesus bersama-sama murid-murid-Nya ke suatu tempat yang bernama Getsemani. Lalu Ia berkata kepada murid-murid-Nya: ”Duduklah di sini, sementara Aku pergi ke sana untuk berdoa.”

[37] Dan Ia membawa Petrus dan kedua anak Zebedeus serta-Nya. Maka mulailah Ia merasa sedih dan gentar,

[38] lalu kata-Nya kepada mereka: ”Hati-Ku sangat sedih, seperti mau mati rasanya. Tinggallah di sini dan berjaga-jagalah dengan Aku.”

[39] Maka Ia maju sedikit, lalu sujud dan berdoa, kata-Nya: ”Ya Bapa-Ku, jikalau sekiranya mungkin, biarlah cawan ini lalu dari pada-Ku, tetapi janganlah seperti yang Kukehendaki, melainkan seperti yang Engkau kehendaki.”

[40] Setelah itu Ia kembali kepada murid-murid-Nya itu dan mendapati mereka sedang tidur. Dan Ia berkata kepada Petrus: ”Tidakkah kamu sanggup berjaga-jaga satu jam dengan Aku?

[41] Berjaga-jagalah dan berdoalah, supaya kamu jangan jatuh ke dalam pencobaan: roh memang penurut, tetapi daging lemah.”

[42] Lalu Ia pergi untuk kedua kalinya dan berdoa, kata-Nya: ”Ya Bapa-Ku jikalau cawan ini tidak mungkin lalu, kecuali apabila Aku meminumnya, jadilah kehendak-Mu!”

[43] Dan ketika Ia kembali pula, Ia mendapati mereka sedang tidur, sebab mata mereka sudah berat.

[44] Ia membiarkan mereka di situ lalu pergi dan berdoa untuk ketiga kalinya dan mengucapkan doa yang itu juga. ”

Karo:

“[36] Jenari seh Jesus ras ajar-ajarNa ku sada ingan si igelari Getsemane. Nina Jesus man ajar-ajarNa, “Kundul kam i jenda, Aku ertoto lebe ku jah.”

[37] Petrus ras duana anak Sebedeus ibabaNa. Paksa e ceda ate Jesus dingen getem kal pusuhNa.

[38] E maka nina man ajar-ajarNa si telu kalak e, “Ceda kal ateKu perbahan Kugejap maka Aku nandangi mate. Timai i jenda janah erjaga-jagalah ras Aku.”

[39] Lawes Jesus terdauhen sitik nari, i je erjimpuh IA jenari ertoto man Dibata nina, “O Bapa, adi banci buat min calung kiniseran enda i bas Aku nari. Tapi labo peratenKu, peratenNdulah jadi.”

[40] Kenca bage mulihken IA ndahi ajar-ajarNa si telu kalak ndai. IdapetiNa ajar-ajar e tunduh. E maka nina Jesus man Petrus, “Sada jam pe la kam ngasup erjaga ras Aku?

[41] Erjaga dingen ertotolah gelah ola kam ndabuh ku bas percuban. Ukur mehuli me, tapi daging kote kap!” [42] Jenari lawes Jesus pedua kaliken ertoto nina, “O Bapa, adi la kin banci la Kuinem calung e, peratenNdulah jadi.”

[43] Mulihken ka Jesus ndahi ajar-ajarNa si telu kalak, idapetiNa ajar-ajar e tunduh, perbahan madat kal matana.

[44] Ipelepas Jesus ajar-ajar e tunduh, lawes IA petelu kaliken ertoto; pertotonNa bali ras si ndai. ”

Tema: Ise Pe La Meteh Warina Ntah Jamna

Tujunna:

Gelah Saitun:

·       Meteh kai saja si man pesikapen i bas nimai kerehen Tuhan.

·       Reh tutusna ngerembakken diri ku Dibata

Metode: Diskusi ras Aksi

I. BENA KATA

Menurut legenda, Kaisar Theodosius I (erkuasa 379-395 M) erpengakap maka mbelin kal kuasana segedang kegeluhenna. Nandangi ia mate, iperintahkenna segelah tutup petina ilubangi, segelah tanna banci ndarat. Tujunna eme gelah idah doni enda maka sekalak kaisar pe labo lit ibabana erta rikut kuasana ku doni kematen. Alu tan singambe-ngambe, Theodosius ngingetken kerina jelma maka kinibayaken, kekuasaan, kemegahan duniawi labo kai kel pe ertina bas nepet kematen. Pesan enda mirip ras tradisi "memento mori" (ingatlah wari kematenndu) si populer bas filsafat Romawi. Emaka kai siperlu sipesikap labo tading-tadingen duniawi, si banci jadi pokok perubaten anak kempu, tapi tading-tadingen Skiniteken dingen keselamaten serasa lalap si jadi ulu kekelengen ras kedamen man kerina jelma.

II. MPEGESI OGEN

Tuhan Jesus nggo nehken padan maka reh denga nge Ia peduakaliken, subuk ngadili kalak singgeluh ras simate, bagepe ngalo-ngalo kalak sierkiniteken. Enda ilakoken Tuhan Jesus segelah ieteh kalak sitek e ku ja Ia lawes (Joh. 14:2-3). Ogenta enda pe sada bagin khotbah Jesus i Uruk Zaitun kerna waktu pendungi. Ayat 36 negasken maka labo lit sekalak pe (malaikat entah manusia) simeteh ndigan Kristus reh mulihi. Tuhan Jesus ningetken kecibal e bagi kejadin tupung Nuah (ayat 37-39). Tupung Nuah nggeluh itatap Dibata doni enda, janah idah-Na kejahaten kerina i je (Kej. 6:12). Dibata enggo netapken maka ikernepken-Na kerina, tapi erkiteken Nuah nggeluh benar dingen bujur, ngena ate Dibata ia, janah isuruh erban sada kapal simbelin selaku dalan keselamaten. Tapi manusia singidah e tetap erbahan sijahat, janah macik ukurna katawari pe, la iperdiatekenna kai siiban Nuah seh warina pintu kapal itutup Tuhan, janah reh me banjir si mbelin e ngkernepken kerina sierkesah (Kej. 7:16; 22). E maka Tuhan Jesus mpersingeti kerina jelma segelah erjaga rikut ersikap, bagi sekalak si mada jabu ersikap ngeruk pintun rumahna segelah ula lit kesempaten pinangko bengket ngerampuk ras mbongkar rumahna e (43-44)

Kerehen Tuhan Jesus e sada kepastian, tapi waktuna labo kronos (menurut waktu duniawi) tapi Kairos (menurut waktu Tuhan). Emaka kai perlu siban eme ersikap ras ndalanken simehuli sebab kerehen-Na bagi pinangko. Jadi persikapenta jadi bagin kegeluhenta, emaka Jesus labo mindo kita nimai secara pasif, tapi aktif: taat, setia, nggeluh benar, dingen tekun. Advent sipakeken jadi masa pembaruan/mpekena pusuh. Tetap ngoge Pustaka si Badia, ertoto, mperbarui relasi ras Tuhan rikut sapih manusia, mpebadia pusuh, mpepaguhi kiniteken.

III. PENGKENAINA

Man saitun, si sangana ersikap nimai kerehen Tuhan bas kegeluhenna, persikapen e bas kerina aspek kegeluhen/holistik:

1. Sosial, njagai hubungen si sempabu bas jabu, ingan erdahin/usaha, teman sada perpulungen, lingkungen sekitar. Jadi usihen man anak singuda.

2. Fisik, njagai kesehatan kula selaku Rumah Kesah si Badia. Ngatur perpan, istirahat, ras aktivitas fisik sederhana.

3. Mental, rukur alu mehuli dingen dem pengarapen. Makeken waktu alu mehuli: ngoge Pustaka si Badia, renungen Rohani ras aktif bas pelayanen.

4. Spiritual, Turus erpaksa teneng dingen ertoto. Ratus ras ersaksi kerna kiniteken sipayo bas ersembah perbahanen sit ep-tep wari.

IV. PERTOTON

Bapa kami sinisurga melala kal bujur erkiteken ibere-Ndu man kami umur singgedang. Selaku nini bulang ras nini tudung sierkiniteken kerna kegeluhen enca kematen, rikut kerehen Kristus si peduakaliken, tetaplah min Kesah-Ndu si Badia erkuasa bas geluh kami. Segelah kami ngasup ersikap alu nggeluh bujur ras mehuli, dem kekelengen seh kerehen-Ndu bas kegeluhen kami. I bas gelar Tuhan Jesus Kristus, Juru selamat kami singgeluh, Amin.

V. DISKUSI MEDITATIF ALU PENUNGKUNEN MBAGES MENGHAYATI SI LIT.

·       Bicara Tuhan Jesus reh sendah, ijumpai-Na nge pusuhta si 100% ersikap ngalo-ngalo Ia? Kai nge siperlu sipekena ras sibersihken gelah metunggung iadepen-Na sendah?

·       Bas kegeluhenta i tengah jabu rikut lingkungan sekelewetta, uga kita banci nuduhken kekelengen Tuhan seh maka jelma sideban pe ngidah rikut nggejapken kerehen-Na i bas kegeluhenta?

VI . USULEN LAGU

1. KEE No. 350: 1,2

2. KEE No. 43: 1-2

3. KEE No. 165: 1-2

4. KEE No. 212: 1 (iulih-ulihi)

Pdt. Imanuel K Ginting