BIMBINGEN PA MAMRE TANGGAL : 08 NOVEMBER - 14 NOVEMBER 2026

Reh Me Dibata

Ogen : Yesaya 35 : 1 - 10

1 Gurun pasir ras taneh kerah-kerah meriah pagi iakapna, taneh mesawang ersurak janah erbunga.

2 Gurun pasir bungana mbue, ersurak meriah janahna rende. Gurun pasir e bali pagi jilena ras Deleng Libanon, bali mehumurna ras juma-juma Karmel ras Saron. Tep-tep kalak ngidah kehagan TUHAN -ta, ngidah kuasa Dibata ras KemulianNa.

3 Tan si nggo latih pegegehilah, tiwen si nggo nggirgir bahanlah maka enteguh.

4 Katakenlah man si tumpat ukur, "Piherken ukurndu ula kam mbiar, Reh me Dibata, IpulahiNa me kam, musuh-musuhndu kerina iukum."

5 Emaka kalak pentang erpengidah pagi, kalak pasek erpemegi.

6 Kalak cempang lompat-lompat desken belkih, kalak si la beluh ngerana ersurak-surak alu meriah. Pultak me sumbul lau i bas gurun pasir, i bas taneh mesawang turah lau maler.

7 Kersik si melas salih jadi dano, i bas taneh kerah erburak-burak ulu lau. Taneh si gelgel nari ingan biang kerangen nggeluh, genduari turah i je rengo.

8 Lit pagi sada pasar i je, si igelari "Dalan si Badia". Kalak perdosa la lit sada pe erdalan arah e, kalak motu la ibabaina papak kalak si erdalin rassa.

9 La lit i je singa, la lit mentas arah e rubia-rubia si merawa. Kasa kalak si nggo ipulahi TUHAN, tupung mulih arah eme ia kerina erdalan.

10 Alu dem keriahen seh ia i Jerusalem kerina, rende ras ersurak meriah kal akapna. Seh rasa lalap malem me atena, asa ndigan pe lanai atena ndele, lanai atena ceda.

Yesaya 35 : 1 - 10

1 Padang gurun dan padang kering akan bergirang, padang belantara akan bersorak-sorak dan berbunga;

2 seperti bunga mawar ia akan berbunga lebat, akan bersorak-sorak, ya bersorak-sorak dan bersorak-sorai. Kemuliaan Libanon akan diberikan kepadanya, semarak Karmel dan Saron; mereka itu akan melihat kemuliaan TUHAN, semarak Allah kita.

3 Kuatkanlah tangan yang lemah lesu dan teguhkanlah lutut yang goyah.

4 Katakanlah kepada orang-orang yang tawar hati: "Kuatkanlah hati, janganlah takut! Lihatlah, Allahmu akan datang dengan pembalasan dan dengan ganjaran Allah. Ia sendiri datang menyelamatkan kamu!"

5 Pada waktu itu mata orang-orang buta akan dicelikkan, dan telinga orang-orang tuli akan dibuka.

6 Pada waktu itu orang lumpuh akan melompat seperti rusa, dan mulut orang bisu akan bersorak-sorai; sebab mata air memancar di padang gurun, dan sungai di padang belantara;

7 tanah pasir yang hangat akan menjadi kolam, dan tanah kersang menjadi sumber-sumber air; di tempat serigala berbaring akan tumbuh tebu dan pandan.

8 Di situ akan ada jalan raya, yang akan disebutkan Jalan Kudus; orang yang tidak tahir tidak akan melintasinya, dan orang-orang pandir tidak akan mengembara di atasnya.

9 Di situ tidak akan ada singa, binatang buas tidak akan menjalaninya dan tidak akan terdapat di sana; orang-orang yang diselamatkan akan berjalan di situ,

10 dan orang-orang yang dibebaskan TUHAN akan pulang dan masuk ke Sion dengan bersorak-sorai, sedang sukacita abadi meliputi mereka; kegirangan dan sukacita akan memenuhi mereka, kedukaan dan keluh kesah akan menjauh.

Tujun : Gelah Mamre :

1. Meteh erti Adven
2. Ersikap guna ngalo-ngalo Natal Metode : Aksi

I. KATA PENARUH Lit sada ungkapen nina “menunggu dengan iklas adalah bentuk cinta tertinggi”. Kata enda lit perpayona terlebih adi sihubungken ras Adven bagepe Natal si kentisik nari sirayaken. Adven (bahasa Latin =Adventus) ertina kerehen, sementara Natal (latin = Natalius) ertina ketubuhen. Adven ihubungken ras kerehen Jesus si peduakaliken, janah Natal ihubungken ras kerehen Jesus si pemena (ketubuhenNa) ku doni. Secara kalender gereja kenca perayaan Minggu Adven maka ilanjutken Minggu Natal.

Hal simenar ik bas sienda, baik Adven ras Natal radu radu ertima ntah nimai. Secara teologis Adven e ertima denga (langa tergenepi), janah Natal e ertima ras nggo igenepi. Ibas pengarapen kalak si tek, maka Dibata pasti nggenepi janjiNa ibas Adven bagi singgo ilakokenna ibas Natal.

Bahan oratenta sendah nuriken kerna padan Dibata man kalak Juda si sangana ngenanami kiniseran paksa sie. Dibata mereken pengarapen maka reh me Dibata guna mulahi dingen mbebasken. Uga siilakoken Dibata, kai si terjadi, mari si nen arah bahan oratenta.

II. URAIAN TEKS Bahan oratenta enda eme bagin sipemena Kitab Jesaya, megati ka igelari proto Jesaya - si langsung itulisken Nabi Jesaya. Asal Jesaya eme : Yesha (= selamat. keselamatan) ras Yahu (= Yahweku, Dibatangku), jadi Jesaya ertina Dibata eme kselamatenku. Teks enda ber-latarbelakang kegeluhen bangsa Juda si sangana menghadapi ancamen bangsa Asyur. Ibas situasi mbiar ras dem alu tekanen, bangsa Juda ndarami solusi alu ngasamken gegeh manusia ntah doni eme alu ersada ras Mesir - imbang negeri Asyur. Reh me kata Dibata man bangsa Juda, alu nubuaten siikataken Jesaya guna mpeseh berita keriahen man bangsa e. Secara garis besar bahan ogenta banci sibagi ku bas 3 (telu) bagin eme :

1. Ay 1-2, Pemulihan : Janji Dibata Situasi kegeluhen bangsa Juda paksa e igambarken bagi gurun pasir, taneh kerah, taneh mesawang si ncidahken situasi sulit si sangana ihadapi bangsa e. Ibas perbebn si mberat eme reh janji Dibata guna ngubahken situasi e. Kata enda igambarken bagi taneh kerah meriah akapna, taneh mewang ersurak janah erbunga, bagi Deleng Libanon simehumur tanehna bagi juma juma i Karmel ras Saron. Janji pemulihen enda eme janji Dibata man kalak Juda gelah tetap ernalem man baNa. Janji enda ilanjutken alu langkah berikutna eme paguh ibas pengarapen.
2. Ay 3-4, Tetap paguh ibas pengarapen Ibas bagin enda ituriken kerna kinigenggengen er-Dibata. Tan si nggo latih pegeghilah. Tiwen si nggo nggirgir bahanlah maka enteguh. Kata enda ncidahken kinipaguhen ertahan i bas ngalaken situasi sulit si sangana terjadi, la nggit talu iban situasi si lit. Sienda banci terjadi erkiteken lit pengarapen si mbelin ibas kegeluhen kalak si tek e alu pengarapen maka Dibata e reh me. Lanai tumpat ukur ntah mbiar bas kegeluhen tapi piher ukur ibas keriahen sebab pulah ibas kiniseran. Alu bage maka nimai kerehen Dibata e arus tetap ukur ras dem pengarapen.
3. Ay 5-10 Tuhan reh me. Bagin teks enda nuriken keriahen si terjadi bas kegeluhen kalak si ernalem man baNa adi Tuhan reh. Keriahen si lanai lang lang ulina subuk man :

1. Jelma, pentang jadi erpengidah, cempang jadi lompat lompat bagi belkih, la beluh ngerana (bisu) jadi ersurak meriah
2. Doni, pultak ulu lau ibas gurun pasir, ibas taneh mesawang turah lau maler, kersik melas jadi dano, ibas taneh kerah erburak burak lau. Taneh ingan biang kerangen nggeluh nggo turah rengo.
3. Kiniteken, pengarapen ras tujun nggeluh, Lit sada pasar si igelari “Dalan Badia”, simbol nggeluh alu dem kebujuren ibas kegeluhen kalak si erkeleng ate man Dibata. Kalak bujur e ngenca si banci erdalan ije janah mulih ku Sion dem keriahen, ndigan pe lanai erndele ate.

Kerehen Tuhan enda me berita keriahen dingen simbol pembebasen ras keselamatan Dibata man kalak siikelengiNa.

III. APLIKASI Bahan oratenta sendah, ningetken man banta Mamre kerna persiapenta ibas ngalo ngalo kerehen Tuhan si peduakaliken (Adven) bagepe persiapen ibas ngaloken Jesus si nggo tubuh e (Natal). Adven ras Natal merupaken dua hal si berbeda, tapi memiliki sikap si seri ibas kalak si tek eme nimai kerehen Jesus. Sada kerehenNa tubuh ku doni bagepe kerehenNa sipedua kaliken.

Arah bahan oratenta, lit 3 hal si perlu jadi perenungenta eme ;

1. Tetap erpengarapen ibas kiniseran Keniseran sialami kita ibas zaman genduari la lit obahna bagi kinseran siilalami kalak Juda. Zaman semakin maju, kebutuhan semakin tinggi, ketimpangen sosial terjadi, nggeluh erbana bana rsd. Ibas kiniseran-kiniseran enda, selaku kalak si erkiniteken maka kita arus tetap erpengarapen man Dibata. Erpengarapen ertina yakin kerna simehuli terjadi ibas masa depan,sikap optimis ras irasken alu perbahanen simehuli bagi ngena ate Dibata (perbahanen positif), bagi siipedahken Jesaya man kalak Juda.
2. Kiniteken simpegegehi pengarapen Tetap setia dingen patuh man Dibata eme bukti kiniteknta man baNa. Kiniteken e mpegegehi pengarapen. Alu kiniteken si paguh maka pengarapenta pe reh paguhna. Emaka perlu kiniersadan ibas perpulungen guna saling mpeteguhi, saling menopang bagepe tetap ersada. Berita natal eme bukti pengarapen si erbuah ibas kalak si tek : Jusup ras Maria, kalak siermakan, kalak Majus. Kerina kalak enda enggo ngenanami erbage-bage kiniseran.
3. Reh me Dibata : Pengarapen igenepi. Bagin enda eme pendungi ibas nima- nimai, salih jadi keriahen si mbelin man kerina kalak si tek si nggo ertima ndai. Keriahen siigambarken ijenda lanai lang lang ulina. Adi bahan oratenta ncidahken alu ungkapen luar biasa eme : a) perubahen fisik sakit jadi sehat/malem : pentang jadi erpengidah, bisu jadi ersurak meriah, cempang jadi lompat bagi belkih. b) Doni berubah jadi mehuli c) Kalak bujur ndatken upah (ersada ras Dibata bas kemulianNa)

Alu bage pengarapen e kedungenna igenepi janah jadi keriahen man kalak si tuhu tuhu tek dingen nggeluh ibas pengarapen. Emaka guna ngalo ngalo Adven/Natal marilah kita selaku Mamre tetap ncikep kinitekenta dingen mpegegehi pengarapenta man Dibata, she kedungenna pengarapen e igenepi. Terkhusus bas ngerayaken Natal, bahanlah e jadi keriahen situhu tuhu dingen bermakna bas mpeteguhi kiniteken ras pengarapenta. Natal labo pesta pora tapi keriahen erkiteken reh Tuhan ndahi kita.

IV. DISKUSI

1. Rikutken bahan oratenta, turiken pemahamenndu kerna Adven ras Natal ?
2. Bahanlah aksi sosial ibas perayaan Natal Mamre tahun 2026 sebage ungkapen tanda keriahen ukurta erkiteken Dibata nggo nggenepi janjiNa. Arihken ibas kategorial Mamrenta baik tingkat sektor ntah Runggun.

USULEN ENDE-ENDEN :

1. KEE GBKP No 296 : 1,3
2. KEE GBKP No 254 : 1-3
3. KEE GBKP No 334 :1,2
4. KEE GBKP No 272 : 1 (Persembahen)