Ngaturken Erta

BIMBINGAN PA SAITUN GBKP TAHUN 2026

TANGGAL, 06-12 September 2026

Ogen : 2 Korinti 9:6-15

Penampat nandangi teman si sada kiniteken

Indonesia:

[6] Camkanlah ini: Orang yang menabur sedikit, akan menuai sedikit juga, dan orang yang menabur banyak, akan menuai banyak juga.

[7] Hendaklah masing-masing memberikan menurut kerelaan hatinya, jangan dengan sedih hati atau karena paksaan, sebab Allah mengasihi orang yang memberi dengan sukacita.

[8] Dan Allah sanggup melimpahkan segala kasih karunia kepada kamu, supaya kamu senantiasa berkecukupan di dalam segala sesuatu dan malah berkelebihan di dalam pelbagai kebajikan.

[9]  Seperti ada tertulis: ”Ia membagi-bagikan, Ia memberikan kepada orang miskin, kebenaran-Nya tetap untuk selamanya.”

[10]  Ia yang menyediakan benih bagi penabur, dan roti untuk dimakan, Ia juga yang akan menyediakan benih bagi kamu dan melipatgandakannya dan menumbuhkan buah-buah kebenaranmu;

[11] kamu akan diperkaya dalam segala macam kemurahan hati, yang membangkitkan syukur kepada Allah oleh karena kami.

[12] Sebab pelayanan kasih yang berisi pemberian ini bukan hanya mencukupkan keperluan-keperluan orang-orang kudus, tetapi juga melimpahkan ucapan syukur kepada Allah.

[13] Dan oleh sebab kamu telah tahan uji dalam pelayanan itu, mereka memuliakan Allah karena ketaatan kamu dalam pengakuan akan Injil Kristus dan karena kemurahan hatimu dalam membagikan segala sesuatu dengan mereka dan dengan semua orang,

[14] sedangkan di dalam doa mereka, mereka juga merindukan kamu oleh karena kasih karunia Allah yang melimpah di atas kamu.

[15] Syukur kepada Allah karena karunia-Nya yang tak terkatakan itu!

Karo:

[6] Inget lah maka kalak si sitik ngerdangken benih, sitik ka iperanina; kalak si melala ngerdangken benih, melala ka iperanina.

[7] Sekalak-sekalak iberekennalah sue ras si enggo itetapkenna i bas ukurna; ola alu pusuh jungut-jungut tah pe bagi si terpaksa, sabap Dibata engkelengi kalak si mere alu ukur meriah.

[8] Dibata ngasup mereken man bandu kasakai pemereNa alu sampur. Alu bage kerina keperlun guna dirindu i bas kai pe icukupi, seh maka sampur pe guna banci kam ndahiken dahin-dahin si mehuli si apai pe.

[9] Kerna kalak si bage lit tersurat i bas Pustaka Si Badia, “Enggo iambur-amburna pemerena man si musil, kiniulinna e tahan seh rasa lalap.”

[10] Dibata si nikapken benih man kalak si merdang bage pe nakan si man pangan. IA pe si nikapken benih si iperlukenndu. IA ka nge si peturah benih e dingen si mereken ulih si erlipat ganda i bas kiniulinndu e nari.

[11] Dibata erbahanca kam bayak i bas kai pe, seh maka kam melumbar mere katawari pe, janah nterem kalak ngataken bujur man Dibata erkiteken pemerendu si ialokenna bekas pendahin kami.

[12] Sabap penampat si ipersembahkenndu e labo saja encukupi keperlun kalak Kristen si lit i bas kekurangen, tapi pe sampur jadi pengataken bujur man Dibata.

[13] Kam ngaku maka patuh kam nandangi Berita Si Meriah kerna Kristus. Pengakunndu e payo adi teridah kam menang i bas soal nampati. Janah erkiteken penampatndu e, nterem me pagi kalak muji Dibata. Tole pe ipujina Dibata erkiteken persadanndu si enteguh e, si teridah man bana ras man kerina kalak Kristen si deban.

[14] Itotokenna pe kam alu dem keleng ate, nginget lias ate Dibata si la tersipati si seh man bandu.

[15] Bujur ninta man Dibata kerna pemereNa si la terkataken nari uga ulina.

Tema: Erta E Me Alat Labo Tujun.

Tujunna:

Gelah Saitun:

·       Ngejapken maka pemere Dibata lebihen asa ngukurisa. si ngasup kita

·       Makeken pemere Dibata labo guna dirina saja tapi ernanam man kalak sideban.

Metode: Studi Kasus

I. BENA KATA

Erta me pemere Dibata si biakna titipen man manusia guna ipake i bas kegeluhen enda, adi enggo mate lanai lit gunana. Sura sura Dibata nitipkenca eme gelah malem ateta, guna kemulian Dibata bage pe gelah ernanam man kalak si deban. Kerina si ibereken Dibata man banta subuk gegeh, pemeteh ras kiniliten, tujunna eme guna Tuhan, teman ras dirinta. Emaka ula kal lit erta doni enda sipake guna dirinta saja ngenca. Erta doni enda labo tujunta nggeluh, tapi jadi alat guna nggeluh. Jadikenlah gegehta pemetehta ras kinilitenta guna kemulian Tuhan (Soli Deo Gloria).

II. MPEGESI OGEN

Rasul Paulus rusaha njemba perpulungen i Korinti gelah turah ukurna nampati kalak Kristen Judea si man sampaten. Kalak Makedoni enggo mere lebih asa ngasupna. Rasul Paulus nehken/ ngajarken maka biak kalak Kristen eme nggeluh sisampat-sampaten, rutang si megegeh man si la megegeh. Sabab Tuhan nge si mereken gegeh gelah ngasup nampati kalak. Dibata enggo leben mere maka ngasup mere man kalak sideban. Si merdang melumbar perani simpar, si sitik ngerdangken benih, sitik ka nge iperanina. Ertina, man kalak si mere alu melumbar, Dibata mere alu simpar. E maka, tupung mere la lit si urak tapi tambah keriahenna. Emaka ula mere alu jungut-jungut ntah bagi si terpaksa, sabab keleng ate Dibata simpar man kalak si mere alu meriah ukur.

Dibata nge si mada kerinana, emaka IA ka nge mereken kai pe man manusia, seh maka icukupiNa kerina kai si iperluken manusia. I bas Kitab Masmur 112:9 isingketken maka pemere Dibata sampur. Nina, enggo iambur-amburNa pemereNa man si musil, kiniulinNa e tahan rasa lalap. Ertina kerina kita musil ilebe-lebe Dibata, sabab IA nge ulu kerina si lit ibas kita, janah geluhta pelin-pelin erdandanken keleng ate Dibata si la erkeri-kerin.

Dibata si nikapken benih, IA ka si mpeturahsa, IA ka pe si erbahanca erbuah erlipat ganda i bas paksa peranin. Bage pe Dibata nge si mpereh udan ras las gelah mejile perturah sinuan-sinuan e. Dibata nge bena-benana i bas kerinana guna kiniulin manusia, seh maka la lit manusia si la ngasup mere alu melumbar. Mere alu melumbar jadi kesaksin si nggeluh, pengataken bujur ras buah kiniteken.

III. PENGKENAINA

Erbage bentuk pemere Dibata i bas geluhta, lit erta, gegeh, ras pemeteh, kerina pemereNa e perlu kal man banta, tujunna gelah metunggung kita nggeluh i doni enda. Arus si inget, maka guna ngukurken keperlunta saja pe kita terbatas, beluhen kap Dibata mereken si mehulina man banta.

Kinitekenta, erta, gegeh, ras pemeteh, labo terjeng guna kita, guna kesenangenta, kiniulinta saja tapi arus lit ka pe gunana man kalak si deban. Enterem kalak si kekurangen, musil, ngenanami kiniseran isekelewetta. Pakekenlah si lit ibas kita guna jadi alat, perkakasta i bas nampati kalak si man sampaten, negu kalak si man tegun. Kalak Kristen me jadi babah nandangi kalak si pekak, jadi mata man kalak si pentang, jadi nahe man kalak si pangpangen, jadi bapa nande nandangi kalak si melumang. Ula sia-siaken, ula susun, ula pegungun pemereNa i bas pundi-pundinta saja, pakeken alu mehuli. Ingetlah kerina si ibereken Dibata man banta lit bagin kalak si deban. Guna si e pindolah kepentaren ras gegeh man Tuhan, gelah ngasup kita makeken ras mengelola kerina pemere Dibata i bas geluhta. Alu bage metunggung kita ngaloken pemereNa e. Tetaplah inget, maka erta doni enda labo tujunta nggeluh, tapi jadi alat guna nehken kekelengen, naksiken kuasa ras keleng ate Dibata gelah reh teremna kalak nandai ras ngenanami kuasa keleng ate Dibata i bas geluhna. Jadikenlah erta doni jadi erta surga. Adi silakoken, pasti tenang kita ngiani doni enda, kita nggo nggeluh nanam surga aminna gia kita i bas doni enda denga.

IV. PERTOTON

O, Tuhan ajari kami nggeluh makeken pemereNdu, guna kemulianNdu. Nggit kami makeken kiniliten kami, gelah ernanam man kalak si deban. Anem gia kami enggo saitun banci denga min geluh kami erguna. Kerina gegeh ras kiniliten, pengerana kami banci min jadi pasu pasu. Malem ate kami i bas kinituan kami. I bas Jesus kami ertoto. Amin.

V. DISKUSI

1. Rikutken ogenta, kai nge ertina erta i bas kegeluhenta?

2. Rikutken saja kam enggo erguna

VI . USULEN LAGU

1. KEE No. 249:1, 3.

2. KEE No. 175:1-2.

3. KEE No. 255:1, 3.

4. KEE No. 254:1, 3.

Pdt Diman Ginting