Pengertin Erta

BIMBINGAN PA SAITUN GBKP TAHUN 2026

TANGGAL, 30 Agustus-05 September 2026

Ogen : Lukas 12:13-21

Perumpaman kerna kalak bayak si lenge

Indonesia:

[13] Seorang dari orang banyak itu berkata kepada Yesus: ”Guru, katakanlah kepada saudaraku supaya ia berbagi warisan dengan aku.”

[14] Tetapi Yesus berkata kepadanya: ”Saudara, siapakah yang telah mengangkat Aku menjadi hakim atau pengantara atas kamu?”

[15] Kata-Nya lagi kepada mereka: ”Berjaga-jagalah dan waspadalah terhadap segala ketamakan, sebab walaupun seorang berlimpah-limpah hartanya, hidupnya tidaklah tergantung dari pada kekayaannya itu.”

[16] Kemudian Ia mengatakan kepada mereka suatu perumpamaan, kata-Nya: ”Ada seorang kaya, tanahnya berlimpah-limpah hasilnya.

[17] Ia bertanya dalam hatinya: Apakah yang harus aku perbuat, sebab aku tidak mempunyai tempat di mana aku dapat menyimpan hasil tanahku.

[18] Lalu katanya: Inilah yang akan aku perbuat; aku akan merombak lumbung-lumbungku dan aku akan mendirikan yang lebih besar dan aku akan menyimpan di dalamnya segala gandum dan barang-barangku.

[19] Sesudah itu aku akan berkata kepada jiwaku: Jiwaku, ada padamu banyak barang, tertimbun untuk bertahun-tahun lamanya; beristirahatlah, makanlah, minumlah dan bersenang-senanglah!

[20] Tetapi firman Allah kepadanya: Hai engkau orang bodoh, pada malam ini juga jiwamu akan diambil dari padamu, dan apa yang telah kausediakan, untuk siapakah itu nanti?

[21] Demikianlah jadinya dengan orang yang mengumpulkan harta bagi dirinya sendiri, jikalau ia tidak kaya di hadapan Allah.”

Karo:

[13] Sekalak i bas jelma si nterem e ngerana nina, “O Guru, katakenlah man seninangku maka erbagi kami kerna erta-erta si itadingken bapa kami.”

[14] Ngaloi Jesus man bana, “O senina, ise kin ngangkat Aku guna ngerunggui kam duana? Labo dahinKu mbagiken erta-ertandu.”

[15] Tole nina Jesus man bana kerina, “Jaga dingen metengetlah maka ola kam merangap nandangi kai pe; sabap kegeluhen manusia si tuhu-tuhu labo erpalasken erta-erta si lit i bas ia, aminna uga gia ia bayakna.”

[16] E maka ituriken Jesus man jelma si nterem e perumpaman enda, “Lit me sekalak bayak, melala kal ulih jumana.

[17] E maka rukur ia nina, ‘Lanai siat lumbung ingan ulih jumangku e kerina. Kuga nge ndia kubahan?’

[18] Nina ka i bas ukurna, ‘Bagenda kubahan: Kuruntuhken lumbungku enda, jenari kupajekken si tergalangen; i je me pagi kutamaken ulih jumangku ras kerina erta-ertangku.

[19] Kenca bage ningku i bas ukurku: Malem atendu, o tendingku! Sabap melala enggo ergun-gun erta-ertandu, cukup guna piga-piga tahun. Pesenangkenlah man bandu, man dingen minemlah.’

[20] Tapi nina Dibata man bana, ‘O, bodoh! I bas berngi enda kam arus mate; man ise nge kerina erta-erta si enggo ipepulungndu e?’ ”

[21] Tole nina Jesus, “Bagenda me jadina nandangi kalak si pepulung kinibayaken man dirina jine, tapi la bayak i bas adep-adepen Dibata.”

Tema: Dibata Erbahanca Kam Bayak

Tujunna:

Gelah Saitun:

·       Meteh ras nggejapken maka man kalak pentar, erta e labo guna ipepulung saja, tapi pe guna ibagiken.

·       Ngataken bujur ibas kerina kinilitenna ras erbahan perencanaan bas pemaken erta si lit.

Metode: Diskusi ras Evaluasi diri

I. BENA KATA

Umumna kerina manusia merincuh bayak, emaka enterem kalak ngusahakensa ras erjuang gelah jadi kalak bayak. La saja erdahin alu erbintuas mpepulung ulih latih tapi lit si ngelakoken erbage cara gelah banci bayak, labo iakapna salah dikune la bujur ibahanna guna ndatken kinibayakenna.

Bayak antusenna eme memiliki harta benda, mbue bentukna erta bas sekalak jelma banci duit, emas, asset tapi pe pemeteh ras sidebanna simeherga. Lit si isusunna saja ergun-gun, labo diatena lit kalak si musil man sampaten sabab iakapna e sikerajangenna, ulihna latih jine, merhat bayak emaka gegehi, bage tempa ibelaskenna.

Saitun enggo mentasi paksa-paksa ndarami kebayaken e, arah PA-nta enda ibabai gelah reh bagesna pengangkanta kerna erta-ertata si lit ras reh beluhna kita makekenca ras mbagikenca man anak kemputa ras kalak sideban.

II. MPEGESI OGEN

Kitab Lukas isuratken Lukas, sekalak sibeluh nambari (dokter/tabib). Perikop sijadi bahan PA-ta enda la lit isuratken ibas Injil sideban. Isuratkenna pengajaren Jesus kerna erta, ibenaken alu pemindon sekalak jelma gelah Jesus ngerana man seninana kerna pembagin erta tading-tadingen orangtua,

3. Jesus ngataken maka labo dahinNa mbagiken erta tading tadingen tapi ibereNa penjelasen arah kasus e. Banci saja enda mewakili persoalen kalak sinterem kerna erta tading-tadingen. La sada arihna ras senina turangna kerna erta si itadingenken orangtua.

4. Metenget, ula merangap nandangi kai pe. Pengajaren enda penting kal, sabab kerangapen simahansa lanai ngasup ngengkelengi orangtua, senina turangna ntah pe kalak sideban. Lanai ngasup nghamati ras ngergai kalak si deban ibas hak ras keperlunna. Perukurenta arus iubah maka kegeluhen enda labo erpalasken erta saja (kinibayaken)

5. Perumpamaan enda eme kerna kalak sibayak si mpegalang lumbung ingan muniken ulih pendahin (ertana) alu rencana si ratur, terperinci. Megah ras puas kal iakapna sue ras si lit ibas ia (pencapaianna). Payo erta e sikerajangenna, igelemna, ibunikenna ras iaturkenna tapi la ingetna maka geluhna la ia punana ras nentukenca. Jesus ngatakenca kalak si bage bodoh kal, berngi e ia arus mate, kesah manusia Dibata kap empuna. Erta siteridah e ia punana tapi la ia nentuken penggunan ertana ndai, rubat kalak siitadingkena guna mbagiken erta e.

Kalak si bage kepeken musil iadepen Dibata, la saja i bas Dibata, i bas kalak si deban pe labo ia bayak sabab labo pernah lit nanamna man kalak sinterem. Iakapna ngenca ia bayak erkiteken melala ertana.

III. PENGKENAINA

Kerina manusia khususna Saitun enggo lit perencananna kerna erta-erta silit ibas ia. Perlu kal iinget maka Dibata nge erbahanca kita bayak. Kebayaken labo soal erta ntah kai si lit ibas kita tapi mbelin ipengaruhi pengangkan si mehuli. Makeken pemere Dibata guna kegeluhen enda, la man bangku kerina sabab adi bage kerangapen ngenca si lit. Kalak si rangap, iakapna ngenca dirina bayak sabab ibas Dibata kalak sibage musil. Bayak eme kengasupen ngergai erta si lit dingen lit erti ntah pe nanam kebayaken e man kalak si deban. Meriah ras malem iakap kalak ngalokenca pemere ntah penampat e apai ka kalak si mbagikenca, tuhu-tuhu bayak ia la saja iadepen Dibata tapi nandangi doni enda. Sabab adi perayakenta terjeng erta ras ngkuasaisa (memilikinya) musil kal kita sabab labo kita jadi kalak si melumbar, nggit erbagi ntah pe ngelai kalak sideban. Emaka perlu kal pengertin ras pengangkan kerna erta arus payo ibas manusia. Sabab erta eme pemere Dibata, IA kap empuna baginta ngataken bujur dingen makekenca alu payo.

IV. PERTOTON

O Dibata bujur ibas kerina pemereNdu si enggo ialoken kami segedang kegeluhen enda. Ajari kami guna ngataken bujur dingen makeken pemereNdu e erguna dingen jadi pasu-pasu man kalak sideban. Bayak kami ibas kerina simehuli. Ibas kekelengenNdu pengasup kami makekenca. Amin.

V. DISKUSI

1.    Turiken pengangkanndu kerna erta ras kebayaken!

2.    Erpalasken Kata Dibata enda, diskusikenndulah kerna rencana pembagin erta tading-tadingenndu, kuga kin simehulina ras sipayona.

VI . USULEN LAGU

1. KEE No 354:1-2

2. KEE No 16:1-2

3. KEE No 199:1,3

Pdt. Suenita Sinulingga