Ertoto

BIMBINGAN PA SAITUN GBKP TAHUN 2026

TANGGAL, 07-13 Juni 2026

Ogen : Juna 2:1-10

Ertoto Bagi Nabi Juna

Indonesia:

[1] Berdoalah Yunus kepada Tuhan, Allahnya, dari dalam perut ikan itu,

[2] katanya: ”Dalam kesusahanku aku berseru kepada Tuhan, dan Ia menjawab aku, dari tengah-tengah dunia orang mati aku berteriak, dan Kaudengarkan suaraku.

[3] Telah Kaulemparkan aku ke tempat yang dalam, ke pusat lautan, lalu aku terangkum oleh arus air; segala gelora dan gelombang-Mu melingkupi aku.

[4] Dan aku berkata: telah terusir aku dari hadapan mata-Mu. Mungkinkah aku memandang lagi bait-Mu yang kudus?

[5] Segala air telah mengepung aku, mengancam nyawaku; samudera raya merangkum aku; lumut lautan membelit kepalaku

[6] di dasar gunung-gunung. Aku tenggelam ke dasar bumi; pintunya terpalang di belakangku untuk selama-lamanya. Ketika itulah Engkau naikkan nyawaku dari dalam liang kubur, ya Tuhan, Allahku.

[7] Ketika jiwaku letih lesu di dalam aku, teringatlah aku kepada Tuhan, dan sampailah doaku kepada-Mu, ke dalam bait-Mu yang kudus.

[8] Mereka yang berpegang teguh pada berhala kesia-siaan, merekalah yang meninggalkan Dia, yang mengasihi mereka dengan setia.

[9] Tetapi aku, dengan ucapan syukur akan kupersembahkan korban kepada-Mu; apa yang kunazarkan akan kubayar. Keselamatan adalah dari Tuhan!”

[10] Lalu berfirmanlah Tuhan kepada ikan itu, dan ikan itu pun memuntahkan Yunus ke darat.

Karo:

[1] I bas beltek nurung e nari ertoto Juna man TUHAN Dibatana nina,

[2] I bas kiniseranku nari kulebuh Kam o TUHAN janah ialoiNdu aku. I bas doni kematen si mbagesna nari nderkuh aku mindo penampat, e maka ibegikenNdu aku.

[3] IsampetkenNdu aku ku tengah lawit si mbagesna i je ikeleweti lau aku, galumbang si ergalun isuruhNdu namburi aku.

[4] Kuakap enggo ibuangkenNdu aku i bas adep-adepenNdu nari, janah lanai ndigan pe kuidah RumahNdu si badia.

[5] Lau si ergalun reh namburi aku, narus mate ibahanna aku. Aku gedap i bas lawit si mbages, janah lumut-lumut ngelilet takalku.

[6] Enggo nusur aku ku palas deleng-deleng, ku negeri i ja kerabangenna ieruk seh rasa lalap. Tapi, o TUHAN DibatangKu, irintakNdu kepe aku i bas ingan si mbages nari maka aku nggeluh ka mulihi.

[7] Tupung nandangi keri atena kesahku, i je ertoto aku man baNdu; e maka ibegikenNdu aku i bas RumahNdu si badia nari.

[8] Kalak si nembah man berhala si la erkuasa, itadingkenna kap kecionna si tuhu-tuhu.

[9] Tapi aku, kuendeken kap puji-pujinku man baNdu; kubahan me persembahenku man baNdu, janah kusehken ateku kai si enggo kupadanken. Sabap i bas Kam nari kap rehna keselamaten TUHAN.

[10] Kenca bage isuruh TUHAN me nurung ndai ngutahken Juna ku daraten, e maka iutahkenna.

Tema: Labo Peratenku Bapa, Peratenndu Jadilah

Tujunna:

Gelah Saitun:

1. Banci nuriken kai sababna maka Jesus ertoto i Peken Getsemani

2. Setia ertoto kerna kecibal geluhna subuk ibas keriahen perbeben

Metode: Diskusi ras Aksi

I. BENA KATA

Ertoto e me sada hal si seh kal pentingna selaku kita kalak si tek man Tuhan. Arah ertoto e me nuduhkenca maka kita selaku manusia biasa la kita ngasup ngalaken erbage tantangen nggeluh, emaka arus tetap terus-menerus mindo penampat man Tuhan (bdk. Luk. 18:1; 1 Tes. 5:17; Ef. 6:18). Emaka penting ertoto secara pribadi, bage pe ras-ras i bas kiniersadanta sebage perpulungen. I bas kesempaten enda radu ras mulihi kita erlajar kerna ertoto si payo erpalasken Kata Dibata si man ogenta sendah.

II. MPEGESI OGEN

Ogenta sendah e me kap kerna pertoton nabi Juna asum ia lit i bas beltek nurung. I bas Alkitab TB-LAI, perikop enda ibere judul "Doa ucapan syukur Yunus." Arah judul enda tangkas maka isi pertoton Juna e me salah sadana ngataken bujur man Dibata.

Juna berkat ku Niniwe guna nehken persinget gelah jera tapi lompat ia ku Spanyol. Inangkihina kapal janah jadi me angin mesangat, erkiteken igejabna salahna emaka Juna jine mereken usul gelah iambeken ia ku lawit. Kenca enggo ibenterken ku bas lawit, minter teneng lau lawit e, ngidah sie anak-anak kapal pe kedungenna jera erpadan ia nembah man Dibata, sedangken Juna itelen sada nurung si seh kal I bas beltek nurung ndai nge Juna ertoto man Dibata galangna bekas persuruhen Tuhan.

Isedarina maka enggo iambekken Tuhan ia ku bas doni kematen, nina Juna man Tuhan, "IsampetkenNdu aku ku tengah lawit si mbagesna i je ikeleweti lau aku, galumbang si ergalun isuruhNdu namburi aku." Lau si ergalun reh namburi Juna, narus mate ibahanna Juna, lumut-lumut ngelilet takalna. Tapi minter reh penampat Tuhan arah nurung si galang. Nina Juna, "Tapi o Tuhan Dibatangku, irintakNdu kepe aku i bas ingan si mbages nari, maka aku nggeluh ka mulihi." I bas kiniseran si inanamina Dibata nari ngenca iakapna singasup nampati ia. Iakukenna maka Dibata ngenca si erdolat i bas kegeluhenna, sedar ia kerna kesalahenna. Iendekenna puji-pujin man Tuhan, iendeskenna persembahen pengataken bujurna ras kai si enggo ipadankenna man Tuhan. Sabab tuhu-tuhu igejapkenna maka keselamatenna rehna i bas Dibata nari. Enggo ipulahi Tuhan ia i bas doni kematen nari. E maka asum reh Kata Tuhan si peduakaliken, iikutkenna lawes ia ku Niniwe guna nehken berita pertobaten.

IV. PENGKENAINA

Si jadi tema i bas PA-ta sendah e me "Ertoto bagi Nabi Juna." Piga-piga poin penting rikutken perikopta si jadi perenungen man banta, si pemena, asum reh perbeben i bas geluhta maka Tuhan ingan penalementa. Ula darami kuasa si deban. Bulat ukurta ernalem ras erpengendes man Tuhan. Si peduaken, banci jadi perbeben si nanami kita erkiteken kesalahenta, emaka sedar kita ras mindo pengalemi dosa bas Dibata nari. Tapi banci jadi perbeben e labo erkiteken salahta (bdk. Joh. 9:1-2), tapi poin penting i jenda harus kita mengintrospeksi dirinta. Si peteluken, siendesken geluhta man kuasa ras kedolatan Tuhan, sabab Ia ngenca metehsa simehulina man banta. Bagi pertoton Tuhan Jesus asum i Taman Getsemani, "Labo peratenku tapi peratenNdu-lah si jadi." Lit pe pemindonta (sura-suranta), tapi tetap peraten Tuhan-lah si jadi i bas geluhta. Siimani, maka rancangen Tuhan i bas geluhta e me rancangen damai sejahtera. Si peempatken, erlajar megenggeng, maka waktu Tuhan e me simehulina. Sabab mekatep jawaben si instan si iarapken kita. Si pelimaken, ula lupa ngataken bujur man Tuhan i bas penampat si enggo iberekenNa. Ula bagi sepuluh kalak gadamen si ipepalem Jesus, sekalak ngenca si mulihken ngataken bujur man Jesus (bdk. Luk. 17:11-19).

V. DISKUSI

1. Turiken kai nge si biasana ilakokenndu asum lit perbeben nderpa?

2. Aksi: Darami temanndu, sepasang-sepasang (banci dilaki ras dilaki, diberu ras diberu, entah pe pasangen suami-istri). Ibenai alu sharing, kenca si e, pegancihen notoken (bergandengan tan). Janah ertotolah bagi Juna.

VI. USULEN LAGU

1. ΚΕΕ 270:1-3

2. KEE 176:1-2

3. KEE 279:1-4

4. KEE 316:1-

Pdt. Larena Br. Sinuhadji