HUT Mamre

BIMBINGAN PA SAITUN GBKP TAHUN 2026

TANGGAL, 16-22 Agustus 2026

Ogen : Josua 24:14-16

Josua ngerana man bangsa Israel i Sikem

Indonesia:

Yosua 24:14-16 TB

[14] Oleh sebab itu, takutlah akan Tuhan dan beribadahlah kepada-Nya dengan tulus ikhlas dan setia. Jauhkanlah allah yang kepadanya nenek moyangmu telah beribadah di seberang sungai Efrat dan di Mesir, dan beribadahlah kepada Tuhan.

[15] Tetapi jika kamu anggap tidak baik untuk beribadah kepada Tuhan, pilihlah pada hari ini kepada siapa kamu akan beribadah; allah yang kepadanya nenek moyangmu beribadah di seberang sungai Efrat, atau allah orang Amori yang negerinya kamu diami ini. Tetapi aku dan seisi rumahku, kami akan beribadah kepada Tuhan!”

[16] Lalu bangsa itu menjawab: ”Jauhlah dari pada kami meninggalkan Tuhan untuk beribadah JOSUA 24:14-16 BTX

[14] “Dage genduari,” nina Josua ngumputi rananna, “pehagalah TUHAN janah sembahlah IA alu tutus ate ras patuh. Pedauhlah dibata si nai isembah nini-ninindu i Mesopotami ras i Mesir, janah man TUHAN sajalah kam ersembah.

[15] Adi la iakapndu mehuli ersembah man TUHAN, pilihlah sendah ise atendu isembahndu, dibata si isembah nini-ninindu i Mesopotami, ntah dibata kalak Amori si inganindu tanehna genduari. Tapi adi aku ras isi jabungku, TUHAN saja ngenca isembah kami.”

[16] Ngaloi bangsa e nina, “Ndigan pe la kami nggit nadingken TUHAN jenari nembah man dibata si deban!

Tema: Aku Ras Kesusurenku, Tuhan Saja Ngenca Isembah Kami

Tujunna:

Gelah Saitun:

·       Nggit ras pang ersaksi bagi Josua ku kerina kalak kerna kinitekenna.

·       Notoken ras ngajuk Mamre nggit ras pang ersaksi i tengah jabu, keluarga ras gereja kerna kinitekenna man Dibata.

Metode: Diskusi

I. BENA KATA

Ersaksi tentu labo hal si melukah sebab e erkawiten ras pengalamen dingen pengejapennta. Bahan Saitunta wari enda turah arah pengalamen Josua segedang geluhna i bas persadanna ras Dibata. Emaka i bas umurna nggo metua iberekenna sada kesaksin si penting man bangsa Israel guna jadi pengajaren penting.

II. MPEGESI OGEN

I bas ujung geluh Josua (ayat 14) isempatkenna ngelebuh pemimpin-pemimpin Israel guna nehken piga-piga dorongen ras peringeten (23:1-2). Ipetetapna ukur kalak enda, maka Dibata uga pa pe terus nge erperang guna bangsaNa, seh asa kerina kalak Kanaan si tersisa ikernepken, asal saja bangsaNa tetap setia kubas padanna ras Dibata. Bangsa Israel arus ngekelengi Dibata, patuh nandangi kerina perentah-perentahNa, ras ngelakken perbahanen nembah/erpengendes man dibata-dibata si deban (3:11).

Kalak Israel la banci erjabu ras kalak Kanaan si tading denga itengah-tengahna (12-13) ras arus iingetna maka kesetiaanna man Dibata eme dalanna reh pasu-pasu man bangsa e; tapi sebalikna ukumen Dibata terjadi adi la ia setia (14-16). Bagi ope si e umat pernah lawes ku Sikhem guna nuduhken kesetianna nandangi perpadanen (nen 8:30-35), bagepe qundari pemimpin-pemimpin Israel i bas gelar umat Israel reh erban penyataan kesetiaan si mbaru (24:1). Perpadanen enda bena-benana reh i bas Dibata nari si mabai Abraham i Mesopotami nari ku Kanaan ras erpadan guna njadiken ia bangsa si mbelin ras taneh Kanaan me si jadi negerina (2-4). Er abad-abad kenca sie, Dibata nehi padanNa asum ibabaNa kalak Israel ndarat i Mesir nari (5-7) ngeleweti gurun pasir (8-10) ras kedungenna ngadi i Kanaan (11-13).

Tapi sayangna kalak Israel enggo nuduhken kecenderungen guna nembah berhala. Kalak Israel mekatep kal alu mesunah ngataken maka ia setia man Dibata Jahwe ngenca (16-18). Josua meteh maka nehken kesetiaan e mesukah tapi mpertahankenca labo bage mesunahna. Erkiteken si e me maka Josua ningetken man kalak Israel kerna konsekwensi si mejin adi ilanggarna padan si enggo ibahanna man Dibata Si Badia (19-20). Guna si e me maka ipindo Josua maka kalak enda mpraktekken kesetianna alu tutus.

III. PENGKENAINA

Josua kedungenna mate bas kiniteken, kepemimpinenna si megegeh enggo nampati jemaat guna mpertahanken kesetiaanna man Dibata. Umurna si enggo metua ipakekenna guna ngajarken ras mpersingeti bangsa Israel kerna kesetiaan man Dibata. Enda me si jadi perayakenta Saitun, maka tep-tep wari eme kesempaten si meherga kal guna mpersingeti ras mindo komitmen iman man anak-anak si nguda denga. Terkhusus i bas HUT Mamre enda, Mamre sebagai imam itengah jabu pe mbelin kel tanggung jawabna lako njaga ras mpersingeti anak jabuna guna erkomitmen i bas kinitekenna man Dibata.

IV. PERTOTON

Bujur Tuhan nggo iberekenNdu kami waktu nguda ngidah, ngenanami keleng ateNdu bas kegeluhen kami. Maka pengasup kami o Tuhan, ersaksi man anak jabu kami dingen sekelewat kami kerna sikapna nggeluh adi setia man banNdu saja, Amin.

V. DISKUSI

1.    Kai si banci silakoken sebagai Mamre sekaligus pe Saitun si enggo metua i bas makeken kesempaten si lit guna mpersingeti komitmen kiniteken anak-anakta ?

2.    Nuriken kesetiaan man Dibata mesunah kal tapi la bage sunahna mpertahankenca, cuba situriken i bas pengalamen geluhta?

VI . USULEN LAGU

1. KEE GBKP No. 75:1-3

2. KEE GBKP No. 299:1-2

3. KEE GBKP No. 272:1-

4. KEE GBKP No. 202:1,3

Pdt. Sinar Rehaganta Barus, MTh