HUT KAKR

BIMBINGAN PA SAITUN GBKP TAHUN 2026

TANGGAL, 19-25 April 2026

Ogen : Markus 5: 35-43

Anak Jairus si diberu; bage pe sekalak diberu si ndadap uis Jesus

Indonesia:

[35] Ketika Yesus masih berbicara datanglah orang dari keluarga kepala rumah ibadat itu dan berkata: ”Anakmu sudah mati, apa perlunya lagi engkau menyusah-nyusahkan Guru?”

[36] Tetapi Yesus tidak menghiraukan perkataan mereka dan berkata kepada kepala rumah ibadat: ”Jangan takut, percaya saja!”

[37] Lalu Yesus tidak memperbolehkan seorang pun ikut serta, kecuali Petrus, Yakobus dan Yohanes, saudara Yakobus.

[38] Mereka tiba di rumah kepala rumah ibadat, dan di sana dilihat-Nya orang-orang ribut, menangis dan meratap dengan suara nyaring.

[39] Sesudah Ia masuk Ia berkata kepada orang-orang itu: ”Mengapa kamu ribut dan menangis? Anak ini tidak mati, tetapi tidur!”

[40] Tetapi mereka menertawakan Dia. Maka diusir-Nya semua orang itu, lalu dibawa-Nya ayah dan ibu anak itu dan mereka yang bersama-sama dengan Dia masuk ke kamar anak itu.

[41] Lalu dipegang-Nya tangan anak itu, kata-Nya: ”Talita kum,” yang berarti: ”Hai anak, Aku berkata kepadamu, bangunlah!”

[42] Seketika itu juga anak itu bangkit berdiri dan berjalan, sebab umurnya sudah dua belas tahun. Semua orang yang hadir sangat takjub.

[43] Dengan sangat Ia berpesan kepada mereka, supaya jangan seorang pun mengetahui hal itu, lalu Ia menyuruh mereka memberi anak itu makan.

Karo:

[35] Sanga Jesus ngerana dengan reh piga-piga kalak si erlegi i rumah Jairus nari. Nina man Jairus, “Anakndu ndai enggo mate, man kai nari ngelatihi Guru ena?”

[36] Tapi la jadi soal man Jesus kai si ikataken kalak ndai. Nina man pengulu rumah pertoton, “Ola kam mbiar, tek sajalah.”

[37] Jenari ise pe lanai ibere Jesus ikut selain Petrus, Jakup ras seninana Johanes.

[38] Tupung seh i rumah Jairus, idapeti Jesus lit gejek-gejek i je, janah ibegiNa sora tangis ras serko.

[39] Kenca Jesus seh i rumah nina man kalak ndai, “Engkai maka kam kerina serko ras tangis? Anak enda labo mate tapi tunduh saja nge ia!”

[40] Itawai kalak ndai Jesus. Kenca bage isuruh Jesus kalak si nterem ndarat. E maka idilo Jesus bapa ras nande anak ndai bage pe ajar-ajarNa si telu kalak ku bas kamar anak e.

[41] E maka ijemak Jesus tan anak ndai, ikatakenna man bana nina, “Talitakumi,” ertina, “O beru, Kukataken man bandu, kekeken!”

[42] Minter keke anak ndai janah erdalan pe ia (sabap umurna enggo sepuluh dua tahun). Ngidah kejadin e sengget kalak kerina.

[43] Tapi ipedahi Jesus, gelah ola iturikenna man ise pe. Jenari nina Jesus, “Bere man ia.”

Tema: Jesus Ulu Gegeh Man Danak-Danak

Tujunna:

Gelah Saitun:

1. Ngantusi kuga belinna gegeh Kuasa Dibata ras Keleng ateNa nandangi danak-danak

2. Jadi aron Dibata simaba kemaleman ate ras kiniulin man anak-anakta

Metode : Diskusi ras Aksi

I. BENA KATA

Meriah ukurta anak ras kempunta KAKR ngerayaken HUT KAKR GBKP. Tanda keriahen ukur Saitun, icidahken arah bahan PA Minggu enda. Puji Tuhan, KAKR ndatken perhatin bas gerejanta nari alu nikapken keperlun KAKR guna ersembah man Dibata. Tapi bas dampar si deban persoalen anak kempunta mbue paksa enda. Ibas situasi sibagenda me Saitun tetap erpengarapen man Dibata dingen rusaha muat bagin guna ngubahken keadaan enda, gelah jadi mehuli.

II. MPEGESI OGEN

Ogenta sendah nuriken kerna Jesus, Jairus bagepe ras jelma si enterem si paksana bas perdalanen ku rumah Jairus. Sabab anakna sidiberu, umur 12 tahun, sakit mekelek, ia anak sada-sada (band Luk 8: 42). Jairus eme pengulu rumah pertoton i daerah e, meseksek kal ia mindo gelah itamaken Jesus tanNa ku babo anak e gelah ola mate (ayat 23).

Tupung bas perdalanen denga, lit ka kepe sekalak diberu enggo 12 tahun, bluding lalap dingen ngarapken perkuah ate Jesus gelah ia malem. Perhatin Jesus salih ku diberu si bluding ndai, banci jadi terganggu nge pusuh Jairus, sabab kurang pedas iakapna Jesus jumpa ras anakna e. Tempa-tempa inomorduaken Jesus ia. Tempa itunda Jesus penampat man anakna. Payo tuhu, reh me utusen Jairus maba berita, nina "anakndu ndai enggo mate, man kai nari ngelatihi Guru ena?" Alu kata si deban, adi enggo mate anak e, mulih saja Jesus (ay.35). Tapi sitik pe berita kematen e la jadi soal man Jesus. Jesus la mbatalken rencanaNa ndahi ras mpepalem anak Jairus. Nina Jesus man Jairus "Ola kam mbiar, tek sajalah" (36). Alu kata e, Jesus mere pengarapen ras mpegegehi Jairus gelah tek man Jesus.

Kenca seh irumah tangis ras serko kerina si pulung sabab enggo mate anak e. Tapi nina Jesus, anak e tunduh ngenca labo mate. Ipekeke Jesus alu melasken: TALITAKUM. Keke anak e, ipindo Jesus gelah ibere ia man. Kerina kalak si lit ije sengget, ngidah perbahanen Jesus si la nggo pernah iidahna.

Jairus sekalak bapa si sabar, erjuang ras meseksek mindo man Jesus gelah ipepalem min anakna. Kesabaren ras kinigenggengenna la sia-sia. Tepat ibas waktuna nggeluh mulihi anak e alu sada kata saja.

Ibas Jesus la lit istilah melawensa, terlambat, kerina pas ibas waktuna, sabab Jesus kap empuna kegeluhen e. Ibas Markus 10: 13-16 Jesus pe ngaloken, ndakep ras masu-masu danak-danak si itaruhken orangtuana. Jesus nggit dingen ngasup ngubahken anak-anak si sakit jadi sehat, si mate nggeluh mulihi. Bas orangtua nari si perlu eme kiniteken, semangat, perjuangen, guna kiniulin anak-anak e..

III. PENGKEΝΑΙΝΑ

Arah kai siituriken idatas teridah maka keleng kal ate Dibata danak-danak bali ras kalak sidewasa. Situasi anak Indonesia genduari perlu perhatian khusus, desken pinakit simekelek (kronis), umpamana: pertumbuhan terhambat erkiteken kurang gizi, sakit menahun, lit si putus sekolah, persoalen kesehatan mental, ketergantungen HP, obesitas erkiteken melala jajanan si memiliki kadar gula tinggi, kurang perhatin ras didiken. Lit deba terpaksa erdahin guna nampati ekonomi keluarga, pernikahan dini, kekerasan seksual, keluarga broken home, kurang tutus ertoto.

Salah sada siertanggungjabab ibas keadan enda eme Saitun (selaku orangtua, nini ras bulang). Bagi Jairus ngundang Jesus ku rumahna guna mpepalem anakna, bage ka me arusna Saitun maba perbeben anak-anak e ku Dibata. Meseksek mindo man Dibata gelah min ipepalemNa.

Peran Saitun nandangi anak-anakta genduari eme tetap mereken pergegeh ras motivasi rikut ras man orangtua anak e. Bangun komunikasi si mehuli ras anak-kempunta, dukung ibas kerina program guna kemajun KAKR. Pastiken, maka kerina anak kempunta tedeh atena reh ku Jesus ras ku KAKR. Sijadiken HUT KAKR enda jadi sada keriahen si mbelin. Bereken dirinta megiken perbebenna ras mpepalem pusuhna.

IV. PERTOTON

Terpujilah Kam O Dibata kami, mbages kal keleng ateNdu man anak-anak kami KAKR GBKP si erulangtahun. Pepalemlah pusuh kerina anak-anak kami bas erbage kiniseran nari. Pake kami gelah ngasup jadi perkakasNdu guna kiniulin anak kempu kami. Amin

V. Diskusi

1. Oge mulihi ayat 36 ras ayat 41, pelajaren kai siidat kita arah ayat enda nari?

2. Diskusikenlah ntah lit anak-anak si perlu man sampaten bas sekelewet inganta tading, kai sibanci sibahan man bana janah rencanaken ndigan paksana isehken penampat..

VI. ENDE-ENDEN

1. KEE No 197: 1,2

2. KEE No 165: 1,3

Pdt. Rosmalia br Barus