Pinakit Sosial

BIMBINGAN PA SAITUN GBKP TAHUN 2026

TANGGAL, 20-26 September 2026

Ogen : Kejadin 6:9-13

Nuah

Indonesia:

[9] Enda me turin-turin kerna si Nuah. Lit telu anak ipupusna, eme: Sem, Ham, ras Japet. I bas jamanna Nuah ngenca si mehuli, janah la lit kesalahenna.

[10] Lit telu anak dilaki ipupusna, e me: Sem, Ham, ras Japet. I bas jamanna Nuah ngenca si mehuli, janah la lit kesalahenna.

[11] Lit telu anak dilaki ipupusna, e me: Sem, Ham, ras Japet. I bas jamanna Nuah ngenca si mehuli, janah la lit kesalahenna.

[12] Lit telu anak dilaki ipupusna, e me: Sem, Ham, ras Japet. I bas jamanna Nuah ngenca si mehuli, janah la lit kesalahenna.

[13] Lit telu anak dilaki ipupusna, e me: Sem, Ham, ras Japet. I bas jamanna Nuah ngenca si mehuli, janah la lit kesalahenna.

Karo:

[9] “ Inilah riwayat Nuh: Nuh adalah seorang yang benar dan tidak bercela di antara orang-orang sezamannya; dan Nuh itu hidup bergaul dengan Allah.

[10] Nuh memperanakkan tiga orang laki-laki: Sem, Ham dan Yafet.

[11] Adapun bumi itu telah rusak di hadapan Allah dan penuh dengan kekerasan.

[12] Allah menilik bumi itu dan sungguhlah rusak benar, sebab semua manusia menjalankan hidup yang rusak di bumi.

[13] Berfirmanlah Allah kepada Nuh: ”Aku telah memutuskan untuk mengakhiri hidup segala makhluk, sebab bumi telah penuh dengan kekerasan oleh mereka, jadi Aku akan memusnahkan mereka bersama-sama dengan bumi. ”

Tema: Ermediate Nandangi Pinakit Sosial

Tujunna:

Gelah Saitun:

·       Meteh engkai maka banci turah kelenglengen ibas jaman Nuah

·       Nuriken contoh-contoh pinakit sosial siberdampak kubas kegeluhen pribadi ras masyarakat

Metode: Diskusi ras Aksi

I. BENA KATA

'Enggo metua doni' bagenda me piga-piga kali terbegi kata ni et belas i bas ngidah kecibal kegeluhen enda. Reh buena gelar-gelar pinakit daging kula si ngkenai manusia. Erbage-bage jenis kejahaten si igelari pinakit social si mbelin hubungenna ras kalak sideban. Tambah pemeteh manusia, erkembangna jaman enda, erbage penemuan teknologi' ulih si arusna nampati ras mpenahangi kegeluhen manusia tapi banci ka ipake guna ncedai ras nipui kalak sideban. Kerina enda labo erkiteken metua doni sabab nai-nai nari pe kejahaten manusia enggo lit erkiteken manusia enggo ndabuh kubas adosa. Erkiteken si e perlu kal siangkai, sitengeti gelah banci si silahi bageme nuate arah bahan PA nta ibas minggu enda.

 II. MPEGESI OGEN

Turi-turin kegeluhen si Nuah jadi sada pengajaren man kerina generasi, menaken anak-anak seh orangtua. Alu lagu 'Nabi Nuh dan istrinya' enggo ieteh kalak turi-turin kejadin sope kelenglengen si mesangat e. Arah bahan PA enda ituriken kerna penatap Dibata manusia ras kegeluhenna i doni enda. La sitik kalak si jahat i bas ndalani kegeluhenna emaka sempat nge Dibata erkadiola nepasa. Erkiteken macik lagu langkahna, iempoina atena siatena ngena (Kej. 6:1-6). Ngidah kejahaten simesangat enda lit denga kepe si jadi alasen Dibata la ngkernepken doni enda.

4.   Si Nuah; Ia sekalak perbapan si tutus ras patuh denga nge man Dibata, rikut ras isi jabuna. Nuah mehuli dingen erdalan i bas dalan Dibata, ertina lanai lit kalak terulin asangken ia sabab la ia terpengaruh nandangi sekelewetna.

5.   Sura-sura Dibata; Kata Dibata man Nuah e, 'enggo Kutetapken ertina, ketetapen Dibata ise pe labo ngasup ngolangi ntah pe ngubahsa. Kusasapken me kerina manusia, adi isasapken berarti masap, lanai lit sitading, keri me kerina, lanai lit singgeluh. Kukernepken'; kernep eme bene sinasa lit. Perbahanen enda ilakoken Dibata erkiteken kejahaten simesangat, doni enda enggo dem kejahaten. Janah man Nuah me Dibata nuri-nuri sabab ia nari ngenca iakap Dibata nehken sura-suraNa.

III. PENGKENAINA

Menurut Wikipedia, pinakit sosial erkawiten ras erbage masalah sosial ibas masyarakat. Ija kecibal, perbahanen ntah pe gejala si la sue ras norma ntah pe nilai si igeluhken manusia paksa e mahan jadi turah gangguan i bas kegeluhen la saja moral ras mental siterganggu tapi pe hubungen social lanai mehuli ras perbahen enggo papak. Erbage bentukna pinakit social ibas paksa genduari enda. Umpamana:

Cara nggeluh, ngusih peruis kalak sideban ntah artis si megati labo sue ras konteks budaya ntah inganta tading. Biak konsumtif kedungenna mabai 'lapar mata' kai pe tukuri (COD) kedungenna rutang piah lanai tergalari.

Penipun, alu ngerayu ntah pe ihipnotis dungna erta ras duit si lit irampukna. Alu la iarap tabungen ras kiniliten banci lesap i bas waktu si kentisik. Erbage jenis investasi si la jelas uluna kedungenna jadi investasi bodong. Perjudin, lanai saja judi imeja perjudin, sabung manuk, ikan-ikan, togel tah pe enggo ka erbage bentuk judi online.

Pembunuhen: penipun, godan/rayuan ndabuh kubas pembunuhen. Utang si melala, kebutuhen ekonomi si la terbiasi rikut tuntuten gaya hidup dungna la saja nangko, ngerampuk seh pe munuh.

Erbage bentuk ntah jenis kejahaten ras pinakit social enda, sibegi arah berita-berita. Mbue denga kal bentuk pinakit social enda nderpa ras ncedai keluarga ras masyarakatta. Kecibal sibagenda rupana jadi tanggungjababta, la terjeng notokenca tapi pe muat bagin guna nguraki ras nambarisa.

IV. PERTOTON

Malem kal ate kami o Dibata. Ipekena-kenaNdu geluh kami rikut kesusuren kami amin mbelin kal perbeben siman alanken ibas jaman enda. Pinakit social siatena nidingi kami. Sampati kami gelah ngasup nandai apai kecibal simaba kegeluhen dingen simeneken generasi kami. KesahNdu si Badia nampati kami ibas gelar Jesus Kristus kami ertoto. Amin

V. DISKUSI/SHARING (Undang PERMATA GBKP)

1. Turiken ngkai maka Nuah nari ngenca simehulina ibas jamanna!

2. Siksiki pinakit sosial si lit isekelewetndu, arihken kai si banci ilakokenndu guna mpepalemca! Lakoken jadi aksi.

VI . USULEN LAGU

1. Lagu 'Nabi Nuh dan Istrinya' ntah pe 'Anak si Nuah e'

2. KEE GBKP No. 393:1-2

3. KEE GBKP No. 185:1,3

4. KEE GBKP No. 374:1-

Pdt. Suenita Br Sinulingga, MTh