Kesehaten Kula

BIMBINGAN PA SAITUN GBKP TAHUN 2026

TANGGAL, 26 Juli-1 Agustus 2026

Ogen : 1 Timotius 4:1-5

Guru-guru perguak

Indonesia:

[1] Tetapi Roh dengan tegas mengatakan bahwa di waktu-waktu kemudian, ada orang yang akan murtad lalu mengikuti roh-roh penyesat dan ajaran setan-setan

[2] oleh tipu daya pendusta-pendusta yang hati nuraninya memakai cap mereka.

[3] Mereka itu melarang orang kawin, melarang orang makan makanan yang diciptakan Allah supaya dengan pengucapan syukur dimakan oleh orang yang percaya dan yang telah mengenal kebenaran.

[4] Karena semua yang diciptakan Allah itu baik dan suatu pun tidak ada yang haram, jika diterima dengan ucapan syukur,

[5] sebab semuanya itu dikuduskan oleh firman Allah dan oleh doa.

Karo:

[1] Tangkas ikataken Kesah Dibata maka lit pagin piga-piga kalak si lanai tek man Jesus Kristus. Patuh ia man kesah-kesah si erbual janah iikutkenna pengajaren setan-setan.

[2] Pengajaren-pengajaren e rehna i bas kalak si nipu nari, e me kalak perguak si enggo batu-batun pusuh peratenna, tempa-tempa enggo itutung alu besi si merara.

[3] Kalak si bage, iajarkenna maka la banci kita erjabu, bage pe la banci sipan piga-piga erbage pangan. Tapi Dibata ngelitken pangan e kerina guna ipan kalak si erkiniteken man Kristus, si meteh kai si benar, kenca ertoto ngataken bujur man Dibata.

[4] Kerina si enggo ijadiken Dibata e mehuli nge. Sada pe labo man pantangenken. Tapi alokenlah kerina alu ngataken bujur man Dibata,

[5] sabap Kata Dibata ras pertoton njadikenca mehuli pangan e i lebe-lebe Dibata.

Tema: Pangan Guna KesehatennKula

Tujunna:

Gelah Saitun:

1. Ngangkai maka Dibata me sinjadiken erbage pangan kesehaten kula

2. Beluh ibas ngaturken pangan guna

Metode: Diskusi

I. BENA KATA

Kula si sehat e me sada hal si cukup penting ras perlu tetap ijaga. Sehat kulanta e merupaken pemere/anugrah Tuhan man banta. Sabab arah kula si sehat erbahanca manusia banci ras ngasup beraktivitas alu mehuli ras ndalani kegeluhen si erguna. E maka alu erbage cara ilakoken guna njaga kesehaten kula e subuk e arah olah raga, istirahat cukup, rukur alu mehuli, pangan si sehat bagepe cek kesehaten alu rutin.

II. MPEGESI OGEN

Bahan PA nta wari enda merupaken sada pertenget nandangi pengajaren si papak i bas perpulungen. Pengajaren campuren perukuren kalak Jahudi ras kalak si la Jahudi. Arah pengajarenna e maka lit pagi kalak lanai tek man Jesus Kristus. Manusia banci selamat arah pemeteh kerna rahasia si tertentu saja, alu mantangken pangan-pangan si tertentu dingen la erjabu. E maka Paulus nuriken alu tangkas maka kerina tinepa Dibata e mehuli dingen banci ipan. Janah selaku kalak Kristen patut ngataken bujur arah ertoto man Dibata i bas kai si enggo ilitken Dibata guna keperlun manusia. Adi pangan e ialoken alu ngataken bujur man Dibata, tentu labo lit si man pantangenken, sebab enggo ipebadiaken Dibata arah pertotonta.

III. PENGKENAINA

Sebagai kalak Kristen kita rusur ipersingeti kerna kesehaten rohani. E maka perlu njaga hubungen si mehuli ras Dibata. Tapi megati ka kita lupa guna njaga kesehaten kula. Sebab sada kewajiben nge man banta guna njaga kulanta gelah sehat. Lit piga-piga alasen i bas kita wajib njaga kesehaten kula e me:

a. Kulanta enda e me Rumah Pertoton Kesah Si Badia (bd. 1 Kor 6: 19). Bayangken adi sekalak pemimpin ersura-sura tading irumahta, tentu la banci lang sipesikap alu mehuli gelah senang ras tenang ia tading ije.

b. Kulanta enda labo kita empuna, tapi Dibata sebab enggo itukur Dibata meherga kal (bd. 1 Kor. 6:20), erkiteken sie la banci lang arus sijaga gelah tetap sehat.

c. Gelah ngasup ndahiken dahin si mehuli guna Dibata. Erbage-bage pendahin si perlu idahiken sue ras tri tugas gereja. E maka perlu kulanta enda sehat.

d. Gelah inanami pasu-pasu Dibata e. Sabab Dibata enggo erpadan lako masu-masu arah erbage-bage pemere si la ngasup kita ngukurisa pe. Tapi adi la sehat kulanta tentu labo ternanami kita pasu-pasuNa e.

E maka mari sijaga kesehaten kulanta arah pangan si lit, gia labo pantang pangan e tapi perlu ka si perdiateken daya tahan kulanta, sigejab-gejabken sabab labo seri kerina daya tahan kula manusia. Kesehaten kula la terpisahken ras kesehaten tendi. Adi sehat kulanta maka tendinta pe sehat.

IV. PERTOTON

Bujur Tuhan i bas umur si enggo iberekenNdu man kami, enggo pe isikapkenNdu erbage-bage pangan guna keperlun kami. Sampati kami Tuhan gelah ngasup kami ngaturken pangan e guna kesehaten kula kami ras ngasup kami tetap ngataken bujur man baNdu erkiteken Tuhan Jesus Kristus. Amin

V. DISKUSI

1. Engkai maka nina Paulus: "Kerina si enggo ijadiken Dibata e mehuli nge?

2. Kai-kai saja nge si arus silakoken gelah kulanta enda sehat arah pangan si lit ?

VI. USULEN LAGU

1. KEE No. 282: 1-3

2. KEE No. 451: 1,3

3. KEE No. 293: 1,3

4. KEE No. 181:14

Tips menjaga kesehatan tubuh/jasmani:

·       Pola makan bergizi: Konsumsi makanan yang bergizi, seimbang dan hindari makanan yang dilarang atau tidak sehat

·       Olahraga teratur: Lakukan aktivitas fisik secara teratur, misalnya olah raga, jalan santai 30 menit setiap hari

·       Istirahat cukup: Pastikan tidur dan istirahat yang memadai agar tubuh pulih dan imunitas tetap terjaga.

·       Jaga kebersihan: Jaga kebersihan diri dan lingkungan untuk mencegah penyakit.

·       Periksa kesehatan dengan rutin: Lakukan pemeriksaan kesehatan secara berkala untuk mamantau kondisi tubuh

Pdt. Kasir Purba, STh