Harganas

BIMBINGAN PA SAITUN GBKP TAHUN 2026

TANGGAL, 28 Juni-04 Juli 2026

Ogen : 1 Petrus 3:8-16

Ngenanami kiniseran erkiteken perbahanen si mehuli

Indonesia:

[8] Dan akhirnya, hendaklah kamu semua seia sekata, seperasaan, mengasihi saudara-saudara, penyayang dan rendah hati,

[9] dan janganlah membalas kejahatan dengan kejahatan, atau caci maki dengan caci maki, tetapi sebaliknya, hendaklah kamu memberkati, karena untuk itulah kamu dipanggil, yaitu untuk memperoleh berkat. Sebab:

[10]  ”Siapa yang mau mencintai hidup dan mau melihat hari-hari baik, ia harus menjaga lidahnya terhadap yang jahat dan bibirnya terhadap ucapan-ucapan yang menipu.

[11] Ia harus menjauhi yang jahat dan melakukan yang baik, ia harus mencari perdamaian dan berusaha mendapatkannya.

[12] Sebab mata Tuhan tertuju kepada orang-orang benar, dan telinga-Nya kepada permohonan mereka yang minta tolong, tetapi wajah Tuhan menentang orang-orang yang berbuat jahat.”

[13] Dan siapakah yang akan berbuat jahat terhadap kamu, jika kamu rajin berbuat baik?

[14]  Tetapi sekalipun kamu harus menderita juga karena kebenaran, kamu akan berbahagia. Sebab itu janganlah kamu takuti apa yang mereka takuti dan janganlah gentar.

[15] Tetapi kuduskanlah Kristus di dalam hatimu sebagai Tuhan! Dan siap sedialah pada segala waktu untuk memberi pertanggungan jawab kepada tiap-tiap orang yang meminta pertanggungan jawab dari kamu tentang pengharapan yang ada padamu, tetapi haruslah dengan lemah lembut dan hormat,

[16] dan dengan hati nurani yang murni, supaya mereka, yang memfitnah kamu karena hidupmu yang saleh dalam Kristus, menjadi malu karena fitnahan mereka itu.

Karo:

[8] Dage kedungenna ersada min ukurndu ras ersada min penggejapenndu. Sikeleng-kelengen min kam bagi ersenina, dingen mesayang janah meteruk min ukurndu sekalak nandangi si debanna.

[9] Ola balas perbahanen si jahat alu si jahat, ntah sumpah alu sumpah. Tapi balaslah alu pasu-pasu, sabap pasu-pasu me si ipadanken Dibata iberekenNa man bandu, asum kam idiloNa.

[10] Bagi lit tersurat i bas Pustaka Si Badia, “Kalak si mesikel nggeluh cawir metua dingen senang, la banci melasken si jahat, bage pe la banci erbual.

[11] Arus jera ia i bas perbahanen-perbahanen si jahat nari, jenari ibahannalah si mehuli; arus idaramina tuhu-tuhu perdamen alu bulat ukur.

[12] Sabap Tuhan tetap natap kempak kalak bujur, janah tetap ibegikenNa pertotonna; tapi ilawanNa kalak si ndalanken perbahanen si jahat.”

[13] Ise kin nuhsahi kam adi ergiah-giah ukurndu ndalanken si mehuli?

[14] Tapi aminna pe arus kam ngenanami kiniseran erkiteken kam ndalanken si mehuli, malem me atendu! Ola kam mbiar nandangi ancamen kalak janah ola aru atendu.

[15] Tapi mehamatlah kam man Kristus i bas pusuhndu, janah pehagalah IA selaku Tuhan. Ersikaplah katawari pe guna njabap kalak si mindo gelah iterangkenndu pengarapen si lit i bas kam.

[16] Tapi bahanlah e alu lemah lembut dingen mehamat. Jagalah maka pusuh peratenndu tetap bersih. Alu bage adi ihina kalak kam, kalak si ncekuraki lagu langkahndu si mehuli selaku kam pengikut Kristus, jadi mela iakapna erkiteken kai si ikatakenna.

Tema: Sikeleng-kelengen Dingen Mesayang

Tujunna:

Gelah Saitun:

1. Nuri-nuri kuga riahna ras ulina jabu si nggeluh erpalasken keleng ate Tuhan Jesus kristus

2. Nikapken sada kartu ucapen selamat Hari keluarga Nasional.

Metode: Kreativitas

I. BENA KATA

Surat Petrus enda ikirimkenna man kerina kalak Kristen si tading i daerah Utara Asia Kitik, arah surat e me Petrus mpegegehi kerina kalak Kristen si paksana iayak-ayak, ngenanami perbeben mbelin, erkiteken kinitekenna man Kristus. Ipersingeti Petrus, maka kematen, kekeken ras kerehen Jesus peduakaliken tuhu kap janah e min jadi pengarapen perpulungen, gelah ula talu bas kiniseran e. Kiniseran e desken sada pengujin nandangi kinitekenna, emaka tetaplah megengnggeng. Jesus Kristus pe seh ipakuken IA mate. megenggeng tupung KinigenggengenNa e erbahansa talu kematen, janah kerina si tek man baNa pe la mate.

II. MPEGESI OGEN

Petrus nehken kerna aturen bas jabu antara perbulangen ras ndehara kalak Kristen (ayat 1-7). Maka kinijilen sekalak ndehara rehna bas pusuh nari, kejilen si la ermasap-masap, eme lemah lembut dingen ukur teneng, kejilen si meherga kal ilebe-lebe Dibata (a 4). Labo kinijilen arah darat. Janah Perbulangen mehamat ras dem pengertian man ndeharana, sabab ndeharana radu ras ia ngaloken kiniulin kegeluhen siibereken Dibata. Eme siipakekenna duana bas tengah jabu.

Kenca si e bas ogenta ayat 8-16, Petrus pe mereken pesan tah pe orat nggeluh sapih anggota perpulungen, tupung ngenanami kiniseran erkiteken tek man Kristus, bagepe erkiteken kejahaten kalak man perpulungen. Silahi perubaten bagepe konflik internal perpulungen. Isi pesan Petrus eme:

·       Perpulungen gelah min ersada ukur, ersada penggejapen; sikeleng-kelengen bagi ersenina, mesayang ras meteruk ukur nandangi sidebanna (ay 8), alu ngusih Jesus Kristus.

·       Keleng ate bagi man senina. Ibas 1 Yoh 4:20-21: "enda me perentah si enggo sialoken i bas Kristus nari: ise si ngkelengi Dibata, arus maka ikelengina pe seninana. Adi lit kalak singatakenca maka keleng atena Dibata, tapi nembeh atena man seninana, kalak sibage perguak. Sabab kalak si la ngkelengi seninana si idahNa, labo tuhu ia ngkelengi Dibata si la idahNa.

·       Ula balas kejahaten siniibahan kalak alu kejahaten ka, tapi ibalas alu pasu-pasu, sabab pasu-pasu me siipadanken Dibata (ay 9).

·       Kelengi kegeluhen bahan simehuli (ay 10-12), ula belasken si jahat, ula erbual, gelah nggeluh cawir metua. Pengerana pe iatur gelah la ncedai.

·       Jera Ibas perbahanen sijahat, erbahan simehuli, ndarami perdamen alu tuhu-tuhu ras bulat ukur (ay 11), sebab Tuhan tetap natap kempak kalak bujur janah ibegikenNa pertotonna (ay12). La ngena ate Dibata natap kalak jahat.

·    Pang ngenanami kiniseran bas Kristus janah siap guna jadi saksi Kristus (ay 13-16), malem ateNdu nina Petrus (berbahagia meski menderita). Ulin kiniseran erkiteken kebenaren asangken kiniseran erkiteken kejahaten.

·       Ola mbiar ras ola aru ate. Mehamat ras pehagalah Kristus selaku Tuhan bas pusuh bagepe bas persadan perpulungen. Bicara lit pe singorati kinitekenna, turiken alu lemah lembut dingen mehamat (ay 15-16). Kedungenna, bicara lit pe kalak atena menjebak perpulungen gelah emosi, dungna mela iakapna, sabab idahna alu matana jine, maka orat nggeluh kalak Kristen mehuli kap. Reh teremna kalak ersura-sura nandai ras ngaloken Jesus Kristus.

IV. PENGKENAINA

PA ta kerna Hari Keluarga Nasional (HARGANAS). Banci jadi tantangen ras kiniseran sinialami kita genduari lanai bo bagi si nai kal. Puji Tuhan, secara umum enggo bebas kita erkiniteken man Bapa, Jesus Kristus ras Kesah Si Badia. Secara khusus memang lit denga simengalami kiniseran erkiteken erkiniteken man Kristus. Kiniseran silit bas paksa enda erbage bentukna, umpamana : kemiskinan, perselingkuhan, soal tanah, narkoba, sabu-sabu, judi, perubaten bas jabu, soal erta, icekuraki kalak, fitnah rsd.

Pesan Rasul Petrus i datas lit 7 poin, pas denga kal adi siterapken bas masing-masing keluarganta/jabunta. Pitu hal i datas sidalanken nande, bapa, anak ras kade-kadeta, teman meriah. Adi bancilah sidalanken, meriah nari nge siakap nggeluh. Ula mbiar ras ula aru ate, kondisi kritis si enggo jadi paksa enda, banci sitaluken, adi tep-tep jabu memperlengkapi jabuna. Padan perjabun tupung kita ipasu-pasu suratken ras Sangketken bas rumahta, gelah iulih-ulihi ngogesa ras ndalanken. Bahan kesepakaten ras seisi jabu kerna aturen bas jabu, la muat dekahna tah rusurna, tapi sepakat kita lit waktu bersama. Adi la banci 3 kali sada wari, sekali sada wari saja. Lang sekali Tah dua kali seminggu jumpa kerina, kelang-kelangna komunikasi lewat HP. Sepakati kerna ku gereja bersama, berdoa bersama, ibadah bersama, olah raga bersama, camping bersama, jalan pagi bersama, masak Alu pemasu-masun Dibata kap maka Ketahanan Keluarganta bersama, ndahi kade-kadeta ras teman meriah bersama rsd. banci sidatken. Adi kerina Saitun, Moria ras Mamre Se- GBKP menaken dahin enda, tentu la lit simetahat bas Tuhan, Tuhan mereken pasu-pasuNa man banta.

Arah pitu (7) pesan idatas, mari sirayaken Harganas 2026 enda alu mpeturah simehuli bas jabu: Ersada ukur ras penggejapen (Berpikiran sama atau Harmonis), mediate; sikeleng-kelengen (Saling mengasihi); Mesayang (Jadilah orang yg penuh Kasih Sayang); Meteruk ukur ras dame erkiteken Jesus Kristus (Bersikaplah rendah hati).

V. PERTOTON

Terpujilah gelarNdu si mbelin o Dibata, pasu-pasuNdu maler min tep-tep wari ku tengah jabu kami, maka malem ate kami. Pasu-pasu Indonesia enda Ibas mperingeti Hari Keluarga Nasional, maka turah dame sejahtra, aman ras kekelengen. Ibas gelar Jesus, reh kami man baNdu. Amin.

VI. DISKUSI & KREATIVITAS

1. Diskusiken alu mbages kerna 7 pesan Rasul Petrus guna silakoken bas jabunta sekalak-sekalak.

2. Bahanlah Kartu Ucapan Selamat HARGANAS janah kirimkeun man isi jabunta lebe. Banci Kartu e iberekenndu langsung, banci ka nge, kenca enggo ibahanndu, ifotondu, emaka kirimkenndu arah HPndu.

VII. USULEN LAGU

1. KEE No. 209:1

2. KEE No. 102:1,2

3. KEE No. 350:1,2

4. KEE No. 315:1-

Pdt. Rosmalia br Barus